Aufbau Gründungsfest FFW Gschwendt

Aufbau Festzelt beim Patenverein 🍻

Die Vorbereitungen fias Gründungsfest vo unserm Patenverein, da FFW Gschwendt, laffan af Hochtouren, bereits am Freitag geht's los! 🙌🏻
Dafia is heid mim Aufbau vom Festzelt ogfangt worn. Nachdem de Gschwendtinger bereits am Wochenende as Barzelt mit Bar afgstellt ham, is glücklicherweise heid scho as Festzelt vo da Feiawehr Traitsching am Festplatz okema (statt wie geplant erst ab morgen). 
Da wir durch unsa Fahnaweih letzt Joh scho über guade Erfahrungen mit Zelte usw. verfügen 😉, ham wir an Festverein heid natürlich tatkräftig unterstützt und so is bis afdnacht scho as Grundgerüst vom Zelt gstandn. 🎪
Ab morgen folgen dann no Planen, Boden und sämtliche Anbauten wie Küche, Schenke und die Innenausstattung.  

Es is also no einiges zum doa bis Freitag aber wir gfrein uns natürlich scho af de erste Karmeliten-Maß im Zelt, a Weizen am Weißbierstand oder a Mischung in da Barhalla. 🍹